Posts

Showing posts with the label Poem on Nature

নিশাৰ অনুভৱ - অসমীয়া কবিতা | Assamese Poem

নিশাৰ অনুভৱ নিশাৰ নীৰৱ বুকুত জোনাক নামি আহে নিশব্দে জোনাকী আকাশত সৰি পৰে সপোনৰ তৰাবোৰে নিশাই কাণে কাণে কয় বহু কথা, মৃদু বতাহত যেন লুকাই থাকে হৃদয়ৰ ব্যথা। দূৰ আকাশৰ তৰাই  নিশাৰ চকুত হাঁহে, জোনাকৰ সেই মিঠা পৰশ হৃদয়ত চিৰদিন থাকে।

শ্ৰীমন্ত শংকৰদেৱৰ প্রথম কবিতা - কৰতল কমল কমল দল নয়ন

কৰতল কমল কমল দল নয়ন। ভব দব দহন গহন-বন শয়ন ॥ নপৰ নপৰ পৰ সতৰত গময়। সভয় মভয় ভয় মমহৰ সততয়॥ খৰতৰ বৰ শৰ হত দশ বদন। খগচৰ নগধৰ ফনধৰ শয়ন॥ জগদঘ মপহৰ ভৱ ভয় তৰণ। পৰ পদ লয় কৰ কমলজ নয়ন॥ শ্ৰীমন্ত শংকৰদেৱে এই কবিতাটি স্বৰবৰ্ণ নোহোৱাকৈ লিখিছিল। কোৱা হয় যে তেওঁ প্ৰায় ১২ বছৰ বয়সত, পাঠশালাত কেৱল ব্যঞ্জনবৰ্ণ শিকিছিল অ ফলা শিকা নাছিল। সেইবাবে তেওঁ এনে এটি কবিতা ৰচনা কৰিছিল য'ত কোনো কাৰ চিহ্ন ব্যৱহাৰ হোৱা নাই। এই কবিতাটি কোমল গীত বুলিও জনা যায়।

ফুল ফুলাৰ কথা - অ’ ফুল অ’ ফুল অসমীয়া কবিতা

ফুল ফুলাৰ কথা অ’ ফুল অ’ ফুল নুফুল কিয় ?  গৰুৱে যে আগ খায় মইনো ফুলিম কিয় ? অ’ গৰু অ’ গৰু আগ খাৱ কিয় ?  গৰখীয়াই যে মোক নৰখে মইনো নাখাম কিয় ? অ’ গৰখীয়া অ’ গৰখীয়া গৰু নৰখ কিয় ?  ৰান্ধনীয়ে যে ভাত নিদিয়ে মইনো ৰখিম কিয় ? অ’ ৰান্ধনী অ’ ৰান্ধনী ভাত নিদিয় কিয় ?  খৰিকটীয়াই যে খৰি নিদিয়ে মইনো দিম কিয় ? অ’ খৰিকটীয়া অ’ খৰিকটীয়া খৰি নিদিয় কিয় ?  বৰ গছ যে কাটি থৈছোঁ নুশুকায়নো কিয় ? অ’ বৰগছ অ’ বৰগছ নুশুকাৱ কিয় ?  মেঘে যে বৰষুণ দিয়ে মইনো শুকাম কিয় ? অ’ মেঘ অ’ মেঘ বৰষুণ দিয় কিয় ?  ভেকুলীয়ে যে টোৰটোৰায় মইনো নিদিম কিয় ? অ’ ভেকুলী অ’ ভেকুলী টোৰটোৰাৱ কিয় ?  বোপাককাৰ সহজটো মইনো এৰিম কিয় ? মই কৰোঁ টোৰ টোৰ ,  মেঘে গাজে গুৰ গুৰ ,  বৰষুণ পৰে হুৰ হুৰ।

প্ৰকৃতি - চন্দ্ৰকুমাৰ আগৰৱালা | Assamese Poem On Nature | অসমীয়া কবিতা

প্ৰকৃতি ফুলকলি যি ফুটিছিল সুগন্ধে ভৰাই বতাহ, মুহূৰ্ততে সি সৰি পৰিল হ’ল নিৰ্জীৱ উদাস। মধু পিয়াহি ভ্ৰমৰটো উন্মত্ত হৈ ঘূৰি ফুৰে, ফুলৰ সোৱাদ লৈ উৰি আনন্দেৰে নাচি ফুৰে। হৃদয়ৰ সেই মাতাল ভাব উৰণিৰ লগে লুপ্ত, স্মৃতি চিহ্ন গলিল সকলো হ’ল নিশেষ সুপ্ত। পিছলৈ যি ৰ’ল সেয়া অজান কালৰ গতি, মানুহ সৰে, সপোন সৰে, অবিচল ৰই প্ৰকৃতি। - চন্দ্ৰকুমাৰ আগৰৱালা Disclaimer: This poem is attributed to Chandrakumar Aggarwal and is in the public domain. The wording of classical Assamese poems may vary across old printed sources.