Assamese Poem

প্ৰেম - লক্ষ্মীনাথ বেজবৰুৱা প্ৰেম হ’ল মনৰ এক পৱিত্ৰ শক্তি, যি নীৰৱে হৃদয়ত বোৱে। চকুৰ ভাষাত ক’লে যি কথা, মুখে ক’লে শব্দ নোহোৱে। প্ৰেমে নাশে দুখৰ আঁধাৰ, প্ৰেমে সাজে জীৱনৰ পথ। হাঁহি-চকুলিৰ মাজতেই লুকাই থাকে জীৱনৰ অৰ্থ। যি প্ৰেম সত্য, যি প্ৰেম গভীৰ, সেয়া নাহে সময়ে নাশিবলৈ। প্ৰেম মানে কেৱল পোৱা নহয়, হাৰিলেও আগবঢ়াই যোৱা সাহসটি লৈ। (Public domain)

প্ৰেয়সী -হেমচন্দ্ৰ গোস্বামী তুমি মোৰ নিশাৰ তৰা, অন্ধকাৰত পোহৰ দিয়া। মোৰ নিস্তব্ধ মনৰ মাজে নীৰৱে আহি প্ৰাণ জাগোৱা। তোমাৰ হাঁহিতে ফুল ফোটে, তোমাৰ চকুত সপোন থাকে। জীৱনৰ ক্লান্ত পথত তুমি আশাৰ দীপ জ্বলাই ৰাখে। প্ৰেম মানে কেৱল কথা নহয়, প্ৰেম মানে ধৈৰ্য্যৰ বাণী। দূৰত থাকিলেও হৃদয়ত তুমি সদায়েই থাকি ৰাণী। (Public Domain)

একপক্ষীয় প্ৰেমৰ কবিতা (One Sided Love) তুমি নাজানিলা মোৰ মনৰ কথা, মই ক’বও নোৱাৰিলোঁ কেতিয়াও। তোমাৰ হাঁহিটো দেখিয়েই সুখী, মোৰ প্ৰেম সেয়াতেই সীমাবদ্ধ হৈ ৰ’ল সৰ্বদা। তুমি কাহানিও মোৰ নাছিলা, তথাপিও মনটো তোমাৰেই আছিল। মোৰ নীৰৱ অনুভূতিবোৰ শব্দ নোহোৱাকৈ হৃদয়তে জ্বলি থাকিল। একমুখীয়া প্ৰেম মানে দুখ নহয়, সেয়া নীৰৱ সহনশীলতা। নাপোৱা সত্ত্বেও ভালপোৱা সেয়াই প্ৰেমৰ আটাইতকৈ গভীৰ সত্যতা। (Copyright: AssamesePoem.com)

দেউতা দেউতা মানে নীৰৱ শক্তি, কথা কম, কাম বেছি। নিজৰ দুখ লুকুৱাই থৈ আমাৰ সুখতেই সুখী। পুৱাৰ আগতেই ওলাই যায়, ৰাতি আহে ক্লান্ত দেহে। মুখত হাঁহি, চকুত আশা, আমাক সপোন দেখুৱাবলৈয়ে। আমি কেতিয়াবা বুজি নাপাওঁ, তেওঁৰ নীৰৱ ত্যাগবোৰ। নিজৰ ইচ্ছা পিছুৱাই থৈ গঢ়ে আমাৰ ভবিষ্যৎ পথবোৰ। দেউতাৰ মৰম শব্দত নহয়, সেয়া থাকে কামৰ মাজত। শাসনতেই লুকাই থাকে অশেষ প্ৰেমৰ গভীৰ সঁচত। যেতিয়া জীৱনে হাৰ মানে, দেউতাৰ কথাই শক্তি দিয়ে। নীৰৱে থিয় হৈ ক’লে যেন - “আগবঢ়া, মই আছোঁ তোমাৰ সৈতে।”  (Copyright: Assamesepoem.com)

প্ৰিয়তমাৰ চিঠি - হেমচন্দ্ৰ গোস্বামী সৌন্দৰ্য্যৰ বুকুৰ কাঁচলি উদঙাই প্ৰকৃতিৰ চোঁ-ঘৰ চালোঁ পিত্‌ পিত্‌; কুকুৰাঠেঙীয়া এই আখৰকিটিত যি অমিয়া ঘঁহা আছে, ক’তো আৰু নাই । কবি-নিকুঞ্জত ফুলি কত কবিতাই মলয়াত উটি উটি ফুৰে পৃথিৱীত, তোমাৰ চিঠিয়ে কিন্তু জানে যিটি গীত, কবিতাৰ কাব্যে তাৰ গন্ধকো নাপায় । ফুলে ফুলে, সৰি যায়, শুকান বননি, বসন্তৰ কুঁহি-পাত ৰ’দত লেৰেলে; তোমাৰ চিঠিয়ে, প্ৰিয়ে, জানে কি মোহিনী নিতৌ নোহোৱা বাহী ন ন ফুল মেলে । যত শুঙো, চুমা খাওঁ, নালাগে আমনি, হৃদয়ত হেঁপাহৰ ভোটাতৰা জ্বলে  । (Public Domain)

নীৰৱ প্ৰেম নয়নৰে নয়ন মিলিল, মনৰ কথা নক’লেও ক’লে। চকুৰ হাঁহিতে বুজি পালোঁ, প্ৰেম যে নীৰৱে বোৱে। ফুলে ফুলে সজাই থোৱা, এই সেউজীয়া পথটি। তুমি হাঁহিলে জীৱন মোৰ, হ’ল সোণালী সপোনটি। (Copyright: Assamesepoem.com)